Aleksi, i riu rom që ecën në gjurmët e gjyshërve të tij

I vendosur në kujdestari të gjyshes së tij, po ndjek gjurmët e saj. Zenepja është një nga të paktat mjeshtre që ka mbetur në komunitetin rom. Përveçse kujdeset për mirërritjen dhe edukimin e nipit të saj, po trashegon te ai artin e thurrjes. Aleks Jemini, është një nga 6 të rinjtë të cilët kanë përfunduar seancat trajnuese për prodhimin e produkteve artizanale me bazë shelgun dhe po aftësohen se si t’i marketojnë ato në një treg jo vetëm lokal.

Aleksi, është një djalë fjalëpak, por shumë i vëmendshëm për të mësuar çdo detaj të thurrjes.

I rritur në një mjedis ku gjyshërit e tij dhe anëtarët e komunitetit e kanë siguruar jetesën me prodhimin e shportave dhe kanistrave të ndryshme ai është kurioz të mësojë edhe më shumë.

Gjyshja e tij, ka ndikuar në personalitetin e të riut pasi nëna ka krijuar familje të re ndërsa babai ka ndrruar jetë disa kohë më parë. Teksa është duke u ushtruar Aleksi thotë se, ai do të bëjë të pamundurën që të trashëgoj zanatin e të parëve dhe të aftësohet se si të mund t’i shesë produktet.

Para oborrit ku jetojnë, gjyshja në mënyrë krejt artizanale përgatit lloje të ndryshme punimesh, klientët e të cilave janë disa banorë të lagjes apo edhe përfaqësues hotelesh.  

“Unë dua që kanistrat dhe shportat që prodhon gjyshja ime ti njohin të gjithë, sepse ajo i ka duart e arta dhe unë dua jo vetëm ti ngjajë asaj, por edhe ta trashëgoj mjeshtrinë e saj”, nënvizon Aleksi, i cili pas përfundimit të këtij trajnimi do të aftësohet edhe për prezantimin e tyre online.    

 Ky material u përgatit në kuadër të “Nxitjes së vetëpunësimit të të rinjve rom përmes thurrjes së  shelgut, në bashkinë Gjirokaster”, qe po implementohet në kuadër të projektit  TWIST, drejt një modeli të ri të sipërmarrjes sociale zhvilluar nga LIBERA-Associazioni, nomi e nu

meri control le mafia , Partnerët Shqiptar për Ndryshim dhe Zhvillim dhe Bashkia Tiranë me mbeshtetje financiare të Bashkimit Europian.

@liberacontrolemafie

@partnersalbania

@bashkiatirane 

@europianuni

#supportingSEs #projectTËIST #socialreuse #confiscatedassets #employment #integration #labourmarket #communityimpact #socialchange